Taliska AFRICOM ee Mareykanka ayaa warbixin ka soo saaray duqeyntii ay ka geysteen buuraha Calmiskaad ee bariga Soomaaliya oo ka dhanka ahayd kooxda ISIS-Soomaaliya, taasi oo dhacday 16-kii Febraayo 2025. Warbixinta ayaa lagu sheegay in duqeynta ay ku dileen labo dagaalyahan oo ka tirsan kooxda ISIS, iyadoo dadka rayidka ah aysan waxyeello ka soo gaarin.
AFRICOM ayaa xaqiijisay in duqeynta ay ka dhacday waqooyiga bari ee Soomaaliya, waxaana la sheegay in howlgalkan uu ahaa mid lagu wiiqayo awoodda kooxda ISIS si loo hortago khataraha ay uga imaan karaan dalalka Mareykanka iyo xulafadiisa, iyo sidoo kale si loo yareeyo weerarada argagixiso ee caalamiga ah.
In coordination with the Federal Government of Somalia, @USAfricaCommand conducted an airstrike against ISIS-Somalia in Northeast Somalia on Feb. 16. The initial assessment is that the strike killed two ISIS terrorists and no civilians were harmed.https://t.co/euaERDuc14
— U.S. Africa Command (AFRICOM) (@USAfricaCommand) February 17, 2025
Taliska AFRICOM ayaa sidoo kale caddeeyay in ay sii wadi doonaan qiimeynta duqeyntan, iyadoo xog dheeraad ah lagu soo saari doono haddii loo baahdo. Si kastaba ha ahaatee, faahfaahinta ku saabsan ciidamada iyo qalabka la isticmaalay ayaa la sheegay inaan la shaacin doonin si loo sii wado howlgalo kale.
Ugu dambeyntii, AFRICOM ayaa sheegay in mid ka mid ah himilooyinka ugu weyn ee hawlgalka ay tahay in la hoos u dhigo awoodda kooxaha argagixisada ee wada qorshayaal iyo weeraro halis ku ah nabadgelyada dadka Mareykanka, xulafadooda, iyo guud ahaan shacabka.
